Descripción
Nestas páxinas un conto
que tivo lugar aquí,
as vivencias de Monchiño,
o xigante de Allariz.
Idioma: Galego
Idioma orixinal: Galego
Idade recomendada: A partir de 5 anos.
ISBN: 978-84-09-32428-6
Autores do texto: Miguel A. Alonso Díz e Xabier Domínguez
Autora da ilustración: Tania Martins
Normativizado: Raquel Rodríguez
Deseñado e maquetado: Gerardo Covela
Impreso: IMGRAFOR SA
ARTIGOS NOS MEDIOS: La Voz de Galicia
Con este álbum ilustrado para cativos, queremos achegar a vida dun home singular aos máis cativos, Ramón Fernández nado na aldea de Magarelos, no Concello de Allariz, apodado o «xigante de Magarelos». A xeito de biopoema narra as súas aventuras dun xeito ameno e atractivo para cativos/as.
admin –
Queres coñecer unha desas historias reais que sucederon entre as xentes da nosa terra e que moitas veces esquecemos sen que pasen ao relato da historiografía? Pois se é así, creo que ‘O xigante de Allariz’ é unha boa oportunidade para facelo. Con textos de Miguel A. Alonso @forxadordeversos e Xabier Dominguez @xabierdp, e con ilustracións de Tania Martins (unhas ilustracións cun regusto
vintage que nos levan moi oportunamente cara a décadas atrás), este fermoso álbum ilustrado, publicado por @antelaeditorial, permítenos descubrir a figura de Ramón(ou Monchiño) Fernández Pérez (1916-1944), un rapaz de Magarelos (Allariz) afectado por xigantismo, que tivo unha vida moi dura marcada pola pobreza, a emigración do pai e a
necesidade de saír adiante aproveitando as posibilidades que o seu físico lle daba no mundo dos espectáculos itinerantes. Por medio dun biopoema entretido e moi gustoso de ler, sobre todo cos máis pequenos (no meu caso para un #lendoconaldara), a obra cumple á perfección coa finalidade de entreter e informar, e, neste sentido, recoñezo que me parece moi oportuna a dedicatoria do libro, no que se dan as «grazas aos compiladores de historias como Delfín
Caseiro, xa que co seu traballo de recollido sobre Monchiño de Magarelos, puidemos documentarnos e crear este pequeno biopoema sobre a figura do xigante de Allariz».Unamos forzas, pois, para recuperar e divulgar figuras da nosa terra coma esta. Moi boa lectura neste Día das (Post-)Letras Galegas e descubride o itinerario vital (breve máis intenso) e o mundo de Monchiño de Magarelos.
INSTAGRAM: @lectureo
#instabooks #instalibrosgalicia #bookstagramgalicia
#galicia #allariz #magarelos #xigante #circo #instalibros #instabookstagram #opracerdeler #ler #historia #biopoema #biografia #ilustradoras #albumilustrado #childrensbooks #booksforchildren #galicia #galiza #galego #emugracion #pobreza