Descripción
Dous nenos, un río e unha fronteira que non lles impide ser amigos.
Xan dos Carboeiros vive do lado galego da raia seca; João dos Galões, do lado portugués. Aínda non cumpriron dez anos, pero xa traballan de sol a sol para axudar nas súas casas. Xan e João escríbense cartas que ás veces chegan tarde ou se perden polo camiño, e esperan con impaciencia as noites do troco. Entón, ao abeiro da escuridade, cruzan o río en barca cos sacos de carbón e de café ata a carballeira onde se atopan, cheira a café, hai fachos acesos, xogos e apertas ben fortes.
Idioma: Galego e portugués.
Idioma orixinal: Galego.
Idade recomendada: A partir de 3 anos.
ISBN: 979-13-88089-15-2 (G/PT)
DL: OU 225-2026 (G) /
Autores do texto: Xabier Domínguez e Alba De Evan
Autora da ilustración Mara Méndez
Normativizado: Iolanda Mato (Gal)
Traducido: Elisabete Ramos (PT)
Deseñado e Maquetado: Antela Editorial
Impreso: Norprint
Raianos recupera a memoria do contrabando e do comercio de subsistencia na raia entre Galicia e Portugal a través dos ollos de dous nenos. Entre o segredo e o medo, o frío e a emoción, o que máis pasa dunha banda a outra é unha amizade verdadeira. Un álbum para achegar ás nenas e aos nenos a historia compartida da fronteira e a cultura raiana.
A creación e primeira edición desta obra foron cofinanciadas pola Unión Europea, a través do Fondo Europeo de Desenvolvemento Rexional (FEDER), no marco do proxecto EUROCIDADE TERMAL E DA AUGA — Programa Interreg VI-A España-Portugal (POCTEP) 2021-2027.
Valoraciones
No hay valoraciones aún.