Descripción
Nun futuro onde os humanos se crían extintos e os animais evolucionaron de forma similar a como eran eles, aparece Fauna, unha pequena nena humana. É atopada por Curro, un can xornalista, no medio dun debate na sociedade animal.
Curro pensa que esta pode ser a súa oportunidade de alcanzar a fama, sen se decatar de que mostrala ao público levarao a máis problemas dos que podía imaxinar.
Idioma: Galego e Castelán.
Idioma orixinal: Galego.
Tradución ao castelán: Antela Editorial.
Idade recomendada: A partir de 7 anos.
ISBN: 979-13-88089-03-9 (G) / 979-13-88089-04-6 (ESP)
DL: OU 11-2026 (G) / OU 12-2026 (ESP)
Autores do texto: Iago Fernández e Damián Gómez.
Autores da ilustración: Iago Fernández e Damián Gómez.
Normativizado: Iolanda Mato
Deseñado e Maquetado: Antela Editorial
Nesta banda deseñada para cativos achegamos a historia de Fauna. Unha aventura chea de sorpresas, emoción e misterio, onde nada é o que parece. Un relato que nos convida a reflexionar sobre a convivencia, a responsabilidade e o valor de facer o correcto.
Ricardo Otero Falcon (propietario verificado) –
Gran comic para todo tipo de publico y edades. Buenas ilustraciones y una buena trama, divertida y original.
Miguel –
Vía instagram: @lectureo
Da man de Antela Editorial @antelaeditorial chega unha nova banda deseñada para a cativada marcada tanto pola aventura e a intriga, como por interesantes reflexións arredor da convivencia entre o mundo animal e os humanos (especialmente nun contexto no que estes últimos deixaron o seu legado mais chegaron á suposta extinción), a hipocrisía e a manipulación en discursos destinados a mobilizar as masas, ou a loita interior entre actitudes egoístas relacionadas coa procura da fama fronte á xenerosidade que implica empatizar e axudar os demais, especialmente os máis favorecidos.
‘Fauna’ é unha obra da autoría de Iago Fernández @iff_artist e Damián Gómez @damian_dibujante (tanto no que atinxe ao texto como ás ilustracións) que se le (e ve) con sumo gusto e axilidade, e na que todo harmoniza até representar, discursivamente e por medio da imaxe, unha entretida persecución na que rapidamente nos vemos atrapados ao avanzar por unha sucesión de escenas marcadas polo movemento e a expresividade dos personaxes, á par que se profunda na configuración de espazos e arquitecturas.
Unha obra moi entretida na que, por certo, resultan moi interesantes e atinadas as palabras de don Leopoldo, un dos antagonistas, ao recoñecer que “son moi bo motivando, corrompendo, enganando e manipulando, pero desmanipular o manipulado é unha tarefa moi difícil”. Certamente así é, e por iso está ben que, xunto á acción e o humor, tamén nos chegue a través de obras coma esta un pouso de ideas e actitudes sobre as que reflexionar.