Ramón D. Veiga

Ramón D. Veiga leva toda a vida rodeado de libros, paixón que o levou a estudar
Filoloxía, a traballar no eido da edición e a escribir máis dunha vintena de historias, a
maior parte delas destinadas ao público infantil. Con algunhas, mesmo gañou premios
como o Arume de Poesía para a Infancia por Violeta Parapluie e outras historias de
xente pouco corrente, o Premio de Poesía para Nenos El Príncipe Preguntón por O
delirante restaurante de Héctor Mórtimer e a súa clientela aberrante, o Premio Anisia
Miranda de Teatro para a Infancia por Medo me dá! ou o I Premio de Literatura Infantil
Jaime Olmedo Limeses por Pernascochas.
Tamén é autor, xunto co ilustrador Iván R., da serie de cómic «Verme».