«Sálice e Sándala» de Xoán Babarro (Maceda) e ilustrado por Ignacio Hernández, recibe o Premio Literario Frei Martín Sarmiento (3ª categoría)
Santiago de Compostela, Galicia – Escolas Católicas de Galicia celebrou esta tarde a entrega do premio literario Frei Martín Sarmiento á obra «Sálice e Sándala», publicada por Antela Editorial. A celebración realizouse no Mupega (Museo Pedagóxico Galego) este venres, 3 de maio, ás 17:00 horas.
A cerimonia de entrega de galardóns destacou a elección dos centos de escolares galegos que, mediante o seu voto, recoñeceron «Sálice e Sándal» polo seu impacto significativo na literatura xuvenil. A narrativa, que engaiolou a numerosos lectores, é notable pola súa orixinalidade e habilidade para incitar o entusiasmo pola lectura entre a mocidade.
Este ano celebrouse a vixésima edición do premio Frei Martín Sarmiento, un galardón que leva o nome do famoso pedagogo e escritor galego e que se outorga anualmente a obras que non só divirten, senón que tamén cultivan valores educativos e culturais relevantes. As Escolas Católicas de Galicia felicitan aos creadores de «Sálice e Sándala», Xoán Babarro, así como aos editores Alba De Evan e Xabier Domínguez, e expresan o seu agradecemento a todos os estudantes que participaron no proceso electoral.
A cerimonia contou coa asistencia de figuras salientables do mundo educativo e literario, incluíndo representantes políticos, como a presencia da Secretaría Xeral de Política Lingüística (Valentín García) e das escolas implicadas.
Deja una respuesta